GYNA MEDICA ER
LÆKNINGA- OG HEILSUMIÐSTÖÐ
FYRIR KONUR
Hjá GynaMEDICA vinnum við saman sem teymi læknis og hjúkrunarfræðings með það að markmiði að styðja, fræða og fylgja konum eftir á umbreytingartíma breytingaskeiðsins.
Við bjóðum skjólstæðingum okkar stuðning og fræðslu um lífsstílsþætti s.s. svefn, næringu, hreyfingu og streitustjórnun þar sem sannað er að heildræn nálgun á breytingaskeiði hefur jákvæð áhrif á lífsgæði kvenna á þessum tíma í lífinu.
Þekking er máttur og valdefling til þess að konur geti tekið upplýsta ábyrgð á eigin heilsu.
Okkur er umhugað um þig og þína líðan og við erum hér fyrir þig.
Við bjóðum upp á heildræna fræðslu, ráðgjöf og meðferð fyrir konur á öllum aldri því kvenheilsa er okkar hjartans mál.. sem og okkar sál!
Við erum með séráherslu hvað varðar meðferð og lífstílstengda ráðgjöf fyrir konur á breytingaskeiði en sinnum einnig konum á öðrum lífsskeiðum.
Okkar hjartans mál er að konur fái góða aðstoð og meðferð á öllum skeiðum lífsins en allar konur ganga í gegnum breytingaskeiðið sem er tímabil sem getur varað í 7-15 ár af ævi kvenna.
Breytingaskeiðs- tímabilið reynist sumum konum erfitt á meðan aðrar finna minna fyrir því en margar konur geta hlotið góðs af meðferð og ráðgjöf á því tímabili og allar konur geta hlotið góðs af lífstílstengdri fræðslu og ráðgjöf og auknu „heilsulæsi".
Við hjá GynaMEDICA trúum á heildræna nálgun sem og persónulegar lausnir og berum virðingu fyrir ábyrgð og getu einstaklingsins.
Við styðjumst við nýjustu þekkingu og rannsóknir, fylgjum nýjustu klínísku leiðbeiningum og notum hormónauppbótarmeðferð sem í dag telst öruggust og með minnstar aukaverkanir.
Við leggjum mikið uppúr auðveldu aðgengi fyrir alla og nýtum til þess fjarfundatækni en einnig er hægt að koma til okkar á staðarfundi.
Kvenheilsa er okkar hjartans mál!
Breytingaskeiðið er ekki sjúkdómur heldur tímabil
sem allar konur ganga í gegnum á einhverjum tímapunkti.