Breytingaskeið ráðgjöf og meðferð
Hjá GynaMEDICA vinna læknir og hjúkrunarfræðingur saman sem teymi að því að veita konum sem bestan stuðning, fræðslu, meðferð, eftirfylgni og utanumhald á þessum umbreytingartíma. Boðið er einnig upp á fræðslu um lífstílsþætti ss. svefn, næringu og fleira sem hefur jákvæð áhrif á lífsgæði kvenna á breytingaskeiði.
Aðsókn hefur verið langt yfir væntingum því er ekki hægt að bóka beint ráðgjöf vegna breytingaskeiðs heldur skráir þú beiðni og við það ferðu á biðlista hjá okkur.
Hvar mæti ég í viðtal?
GynaMEDICA býður uppá bæði fjarviðtöl og staðviðtöl.
Við leggjum mikið uppúr jöfnu og auðveldu aðgengi allra íslenskra kvenna að þjónustuúrræðum okkar. Við nýtum til þess fjarfundatækni Kara Connect en fjarviðtöl eru nýtt í öllum okkar meðferðum þar sem skoðunar er ekki krafist. Slíkt fyrirkomulag hefur reynst mjög vel og sparar tíma og fyrirhöfn sem fylgir því að mæta í persónu.
Fjarfundabúnað Kara Connect er vottaður af Landlækni og stenst kröfur persónuverndarlaga (GDPR).
Hvað kostar að koma í viðtal?
Fyrsta viðtal; ítarlegt viðtal, greining, ráðgjöf og eftirfylgni hjá hjúkrunarfræðingi og lækni (45mín) 29.900kr.*
* Plús KARA Connect þjónustugjald 1.5% - 2%