Heilsuhandleiðsla

Stendur þú á krossgötum varðandi heilsuna?

​

Finnst þér þú vera að gera margt rétt en samt ekki ná þeim árangri sem þú vonaðist eftir? Eða langar þig að taka markviss skref í átt að betri líðan með stuðningi heilbrigðisstarfsmanns?

 

Í heilsuhandleiðslu færðu einstaklingsmiðaða ráðgjöf þar sem við skoðum heilsu þína í heild sinni og hjálpum þér að finna raunhæfar leiðir sem henta þínum aðstæðum og markmiðum.

Hvort sem markmiðið er að bæta hormónaheilsu, auka orku, sofa betur, draga úr streitu eða skapa heilbrigðari lífsstíl, þá vinnum við með þér að raunhæfum og varanlegum breytingum sem styðja við betri líðan og aukin lífsgæði.

​​

​

Þjónustan hentar meðal annars konum sem:

​

• Á breytingaskeiði og eftir tíðahvörf

• Eru að upplifa tíðahringstengd einkenni. 

• Eru með PMOS (PCOS). 

• Eru að glíma við þreytu, orkuleysi eða skort á jafnvægi í daglegu lífi. 

• Vilja bæta svefn, næringu, hreyfingu eða streitustjórnun. 

• Eru að jafna sig eftir kulnun eða langvarandi streitu. 

• Vilja draga úr bólgum og styðja við efnaskiptaheilsu sína. 

• Vilja bæta lífsstílsvenjur á raunhæfan og sjálfbæran hátt. 

• Vilja fá faglega leiðsögn við að ná heilsutengdum markmiðum. 

• Vilja taka virkan þátt í eigin heilsu með stuðningi heilbrigðisstarfsmanns. 

​

​

Hvað felst í heilsuhandleiðslu?

​

Í fyrsta tímanum kortleggjum við heilsu þína í heild og skoðum þá þætti sem hafa áhrif á líðan þína og heilsu. Meðal annars förum við yfir:

​

• Svefn og svefngæði. 

• Næringu og matarvenjur. 

• Hreyfingu og daglega virkni. 

• Streitu, andlega líðan og bata. 

• Hormónaheilsu og tíðahring þegar við á. 

• Blóðprufur og aðra heilsufarsþætti þegar við á. 

• Lífsstílsvenjur og daglegt jafnvægi. 

• Markmið, hindranir og hvað skiptir þig mestu máli. 

​

Að lokinni kortlagningu setjum við saman raunhæfa og einstaklingsmiðaða áætlun sem styður þig í að innleiða breytingar sem henta þínum lífsstíl. Markmiðið er að skapa varanlegar breytingar sem stuðla að betri heilsu og auknum lífsgæðum.

​

​

Hverjir veita þjónustuna?

​

Þjónustuna veita reynslumiklir hjúkrunarfræðingar með sérþekkingu á kvenheilsu og lífsstílsheilsu:

​

• Sonja Bergmann, hjúkrunar -og fjölskyldufræðingur og einkaþjálfari.

• Harpa Lind, lífstílshjúkrunarfræðingur og LMCA (Certified Lifestyle Medicine Health Professional). 

​

Við trúum því að litlar, markvissar breytingar geti haft mikil áhrif til lengri tíma. Markmið okkar er að veita þér þekkingu, stuðning og verkfæri sem hjálpa þér að taka upplýstar ákvarðanir um eigin heilsu og byggja upp lífsstíl sem stuðlar að betri líðan og auknum lífsgæðum.

​

​

Tímar og verð

​

Fyrsti tími

• 60 mínútur 

• Ítarleg kortlagning á heilsu og markmiðasetning 

• Verð: 24.900 kr. 

​

Framhaldstímar

• 30 mínútur 

• Eftirfylgd, stuðningur og áframhaldandi handleiðsla 

• Verð: 16.900 kr. 

​

​Heilsan er þín ábyrgð – við hjálpum þér að taka næsta skref.