Námskeið
Rafrænt námskeið fyrir maka kvenna á breytingaskeiði
Breytingaskeið kvenna felur í sér víðtækar lífeðlisfræðilegar og andlegar breytingar sem geta haft áhrif á líðan, hegðun, samskipti og nánd. Skortur á fræðslu um þetta tímabil getur leitt til misskilnings, spennu og fjarlægðar í parsamböndum.
Þetta rafræna námskeið veitir faglega og aðgengilega fræðslu um hormónabreytingar á breytingaskeiði og eftir tíðahvörf, algeng einkenni og áhrif þeirra á sambandið. Áhersla er lögð á að hjálpa mökum að skilja ferlið, bregðast við af meiri innsýn og styðja án þess að ganga á eigin mörk.
Námskeiðið er hagnýtt, byggt á klínískri reynslu og rannsóknum, og ætlað þeim sem vilja bæta skilning, samskipti og tengsl á þessu lífskeiði.
Eftir námskeiðið hefur þátttakandi betri innsýn í breytingaskeiðið, skýrari viðbrögð og traustari grunn fyrir sambandið.
Hvað færðu út úr því að hlusta á námskeiðið?
Eftir að hafa hlustað á námskeiðið hefur þú:
-
Betri skilning á breytingaskeiðinu og þeim líkamlegu og andlegu breytingum sem konur ganga í gegnum.
-
Skýrari mynd af því hvers vegna líðan og samskipti breytast, jafnvel í góðum og sterkum samböndum
-
Meiri ró og öryggi í eigin viðbrögðum, þegar óvissa eða fjarlægð kemur upp
-
Leiðir til að styðja af meiri skilningi, án þess að ganga á eigin mörk
-
Betri grundvöll fyrir samtal, nánd og tengsl á nýjum forsendum
-
Tilfinningu fyrir að vera ekki einn í þessu ferli
Markmiðið er aukinn skýrleiki, samkennd og sterkari tenging.
Hvernig er námskeiðið uppsett?
-
Rafrænt námskeið – engin mæting
-
Aðgangur í 12 vikur
-
Námskeiðið tekur 45 mín
-
Hægt að hlusta í köflum, á þínum hraða
-
Talar beint inn í raunverulegar aðstæður og upplifanir
-
Verð 19.900 kr
Fyrir hvern er námskeiðið?
Fyrir maka kvenna sem:
-
vilja skilja betur hvað er að eiga sér stað
-
vilja vera til staðar á uppbyggilegan hátt
-
vilja halda í tengslin, jafnvel þegar hlutirnir eru flóknir
-
vilja líka huga að eigin líðan og mörkum
Kynning á kennara
Sonja Bergmann er hjúkrunarfræðingur og fjölskyldufræðingur með sérhæfingu í heilsu kvenna á breytingaskeiði og eftir tíðahvörf, ásamt tengslamiðaðri ráðgjöf fyrir pör.
Í starfi sínu hefur Sonja unnið náið með konum og pörum sem standa frammi fyrir miklum líkamlegum, andlegum og tilfinningalegum breytingum á miðjum aldri. Hún hefur séð af eigin raun hvernig breytingaskeiðið getur haft djúp áhrif – ekki aðeins á líðan kvenna, heldur einnig á parsambönd, samskipti og nánd.
Sonja veitir fræðslu sem sameinar rannsóknamiðaða þekkingu og klíníska reynslu, sett fram á skýru og aðgengilegu máli. Markmið hennar er að auka skilning, draga úr misskilningi og styðja fólk í að mæta breytingum af meiri öryggi, innsýn og samkennd.
Sonja starfar hjá Gynamedica, þar sem boðið er upp á heildræna nálgun í stuðningi við konur á breytingaskeiði og eftir tíðahvörf.
📧 Netfang: sonja@gynmedica.is